Жоғары оқу орны қаламыздың мектеп бітіруші сынып оқушыларына арналған ашық есік күні шарасын өткізді. 170-ке жуық бала жаңа оқу-зертханалық корпустағы заманауи зертханалармен танысып, студенттермен әңгімелесті. Талапкерлерге біздің университетте оқу перспективалары: білім беру бағдарламалары, академиялық ұтқырлық, Қазақстан мен шетелдің жетекші профессорларынан оқыту, шығармашылық жобаларды іске асыру, Қозыбаев университеті мен Аризона университетінің қос дипломдық бағдарламалары туралы айтылды. Университеттің факультеттері мен кафедралары, студенттік ұйымдар мен шығармашылық бірлестіктер өз презентацияларын ұсынды. Шараның интерактивті бөлімін асыға күтетін оқушылар би және музыкалық байқауларға қатысты. Жеңімпаздар мен жүлдегерлер демеушілерден сыйлықтар алды. Қабылдау және рекрутинг кеңсесінің жетекшісі Гүлмира Оспанованың айтуынша бұл жолы қаламыздың 6 мектебінен келген оқушылар өздерін шынымен болашақ студент ретінде сезінуге мүмкіндік алды: «Біздің міндетіміз-балаларды бағдарлау. Болашақ студенттерімізге білім алу мүмкіндіктерін көрсетіп, ЖОО-мен таныстыру. Оларға сұранысқа ие білім беру бағдарламалары, академиялық ұтқырлық туралы ақпарат берілді». Сондай-ақ, оқушылар оқуға түсу, жатақханада тұру, жеңілдіктер, стипендиялар мен гранттар бойынша толық кеңес алды. Ашық есік күндері келесі аптада жалғасады.

Солтүстік Қазақстан облысының ғылыми, шығармашылық және білім беру қауымдастықтары «Әділетті және прогрессивті Қазақстанның халықтық Конституциясы үшін» жалпыұлттық коалицияға қосылды. Кездесуге ҚР Премьер-Министрінің орынбасары- Мәдениет және ақпарат министрі Аида Балаева, Сенат және Мәжіліс депутаттарының, жергілікті атқарушы органдардың, Қозыбаев университетінің басшылығы, қызметкерлері және оқытушылары, сондай-ақ аймақтың ғалымдары және мұғалімдері қатысты. Жаңартылған Конституция жобасы – ел дамуының стратегиялық бағытын айқындайтын, негізгі қағидаттар мен ұлттық құндылықтарды жүйелейтін маңызды құжат. «Конституцияның арқасында біз қарқынды дамып келе жатқан мемлекетке айналдық. Бүгінде Қазақстан халықаралық қауымдастықтың құрметті мүшесі болып табылады. Конституцияның кіріспесінде: Қазақстан демократиялық, зайырлы және құқықтық мемлекет екені анық көрсетілген. Сондықтан мемлекет әрқашан өзінің әлеуметтік міндеттемелерін орындайды. Тіпті жекеменшік университеттер мемлекеттік гранттардың арқасында тегін білім береді. Бізде сақтандыру жүйесі бар және тегін медициналық көмек қолжетімді», - деп атап өтті ҚР Премьер-Министрінің орынбасары- Мәдениет және ақпарат министрі Аида Балаева. Қозыбаев университеті Солтүстік Қазақстан облысындағы жалғыз жоғары оқу орны ретінде үлкен мүмкіндіктерге ие. «Қазіргі таңда біздің оқу ордамыз серпінді және тұрақты тұрде дамып келеді. Петропавл қаласы өңірдің сенімді академиялық орталығы ретінде қалыптасып келеді. Бізде Қазақстанның барлық өңірлерінен және 17 елден студенттер білім алады. Аризона университетімен стратегиялық серіктестігіміздің маңыздылығын ерекше атап өткім келеді. Бүгінде Солтүстік Қазақстан облысындағы Петропавл қаласы 1200-ден астам студентке әлемдік деңгейдегі білім мен бірігей мүмкіндіктерді ұсынып отыр», - деп атап өтті Қозыбаев университетінің Басқарма Төрағасы-Ректоры Ербол Исақаев. Бұл құжат азаматтар мен мемлекет арасындағы өзара сенімнің, жауапкершіліктің және серіктестіктің айқын көрінісі. Конституцияда бекітілген қағидаттар қоғамның бірлігін нығайтып, әр адамның құқығы мен қадір-қасиетін қорғауға бағытталған

Петропавлда қысқы Президенттік көпсайыстан Қазақстан чемпионаты өтті. Солтүстік Қазақстан облысының құрамасында университетіміздің студенттері өнер көрсетті.  Спортшыларды жаттықтырушы, аға оқытушы Александр Наумов дайындады. Нәтижесінде біздің студенттер 5 медаль жеңіп алды: 3 алтын, 1 күміс және 1 қола. 18-20 жас аралығындағы топта бірінші орынды Жанель Нуралина жеңіп алды (ФКС-25 -3). Медет Жуманов екінші орын алды (гр.ФКС-24 -2). Осы жас тобында республикада үшінші орынды Алихан Тастанбеков иеленді. 21-23 жас санатында Данила Свиржевский алтын медаль жеңіп алды (ФКС-22 -1). Ардагерлер тобында  Наумов Александр Владимирович  жеңіс тұғырын бағындырды. Осылайша ол 58 дүркін ел чемпионы болды. Студенттер мен жаттықтырушыны құттықтаймыз!

Қозыбаев университетінің командасы ҚР ҒЖБМ делегациясының құрамында Министр Саясат Нұрбек бастаған «ҚазМұнайГаз» ҰК АҚ Басқарма Төрағасы Асхат Хасеновпен кездесті. Бүгінде ең ірі ұлттық мұнай-газ компаниясы ғылыммен байланысын жүйелі түрде нығайтады. Геология, кен орындарын игеру және мұнай-газ химиясын, 80-ге жуық ғылыми саланы қамтитын ҒЗТКЖ жол картасы әзірленді. Қазірдің өзінде 35 жетекші университетпен ынтымақтастық орнатылған. Біз үшін  Аризона университетінің ғалымдарымен бірлескен күкірт құрамдас полимерлерді әзірлеу жобасын талқылау өте маңызды. «Қазақстанның күкірт қоры мол. Cондықтан біз бұл ресурсты қосылған құны жоғары өнімге айналдырудың жаңа тәсілін қалыптастырып жатырмыз. University of Arizona және Kozybayev University мамандарымен серіктестік озық ғылыми әзірлемелерге жол ашып, зерттеуден бастап кадр даярлауға, шешімдерді пилоттық енгізуден оларды ауқымдандыруға дейінгі толыққанды экожүйе құруға мүмкіндік береді. Жаңа материалдар мен тыңайтқыштардан бастап металл өндіру технологияларына дейінгі кең ауқымда қолданылатын бұл жоба күкіртті қайта өңдеудің экологиялық мәселелерін де қатар шешеді », - деді ҚР ҒЖБМ Саясат Нұрбек . Жобаны үш бағытта жүзеге асыру жоспарланған: күкірттен жоғары технологиялық пластмассаларды өндіру, инновациялық тыңайтқыштар және кеннен қалдық бағалы металдарды алу үшін күкіртті пайдалану. Әлемге әйгілі ғалым Джеффри Пьюн бастаған халықаралық зерттеушілер тобы балқытылған күкіртті полимерлерге және инфрақызыл линзалар, литий-күкірт батареясының компоненттері, коррозияға қарсы жабындар және баяу бөлінетін тыңайтқыштар сияқты жоғары құнды өнімдерге айналдыратын озық кері вулканизация технологиясын әзірледі. Технология 11 патентпен қорғалған, 50-ден астам ғылыми басылымдармен расталған және айтарлықтай коммерциялық әлеуетке ие. Біздің еліміз үшін бұл жоба ерекше өзекті. Себебі Қазақстан жылына шамамен 4,3 млн тонна өндіретін қарапайым күкірт өндіру бойынша әлемде 7-ші орында. Дегенмен, күкірттің артық жиналуы, экологиялық қауіп тудырады. Осыған байланысты шикізат экспортынан қосылған құны жоғары Инновациялық, күкірті бар материалдарды терең өңдеуге және өндіруге көшу міндеті барған сайын маңызды бола түсуде.

Біздің жоғары оқу орнында Аризона университетімен серіктестікте жұмыс істейтін қос дипломды білім беру бағдарламаларын халықаралық аккредиттеу процесі басталды. Бағалауды ACQUIN аккредиттеу, сертификаттау және сапаны қамтамасыз ету институты жүргізеді. Бұл 2001 жылы құрылған халықаралық аккредиттеу агенттігі болып табылады. Ол бакалавриат, магистратура және докторантура бағдарламалары мен университеттердің  сапасын бағалайды, еуропалық стандарттарға (ESG) сәйкестігін ілгерілетеді. ACQUIN құрамына Германия, Австрия, Швейцария, Лихтенштейн және басқа да елдердегі 160-тан астам университет кіреді. Агенттік Еуропада және одан тыс жерлерде, соның ішінде ұлттық тізілімде тіркелген Қазақстанда белсенді жұмыс істейді. Тәуелсіз халықаралық сарапшылар тобы 23 және 24 ақпанда Қозыбаев университетінде жұмыс істейтін болады. Екі қос дипломды бағдарлама аккредиттеуден өтеді: 6B05111 Биотехнология / Қолданбалы биотехнология 6B06111 Басқарудағы ақпараттық жүйелері /Data Science Бүгін комиссия университет басшылығымен, оқытушылармен және студенттермен бірқатар кездесулер өткізді. ACQUIN жоғары оқу орындарына ашықтықты, білім беру сапасын және олардың халықаралық студенттер үшін тартымдылығын арттыруға көмектеседі.

Конституциялық реформа мемлекет пен қоғам дамуындағы маңызды кезең болып табылады. Қозыбаев университетінің басқарма мүшелері, оқытушылар құрамы мен студенттер, сондай-ақ БАҚ өкілдері және AMANAT партиясының «Болашақ» филиалының өкілдері TALQYLAU аймақтық диалог алаңында  жиналды. ҚР жаңа Конституциясының жобасы - мазмұны мен өзгерістерінің ауқымы дәстүрлі конституциялық түзетулердің ауқымынан әлдеқайда асып түсетін құжат. ЖОО әрқашан ашық диалог жүргізеді, сонымен қатар әділ және құқықтық мемлекетті дамытуға белсенді қатысатын жаңа буын мамандарын даярлайды.  Университеттік ортада сыни ойлау, азаматтық белсенділік және елдің болашағы үшін жауапкершілікті түсіну қағидалары қалыптасады. « Жаңа Конституция жобасындағы білім беру, ғылым және инновацияның алатын орны ерекше маңызды. Ғылым, зерттеулер және зияткерлік меншікті қорғау мәселелері де Конституцияға енгізілуде . Мұның барлығы мемлекеттің дамуындағы маңызды қадамдар »,-деп атап өтті Академиялық мәселелер жөніндегі Басқарма мүшесі Айгуль Нурпеисова Жастардың пікірлері конституциялық реформалар тұрғысынан ерекше маңызды. Студенттер қауымдастығы бүгінде әлеуметтік бастамаларды талқылауға белсенді қатысады. «Конституция еліміздің болашағын айқындайтын құжаттардың бірі. Менің ойымша білім және мәдениет тұрғысынан бұл жаңа бетбұрыс. Қазір жастардың жылы. Сондықтан алдағы референдумға мен де барып дауыс беремін»,-деді ТжӘИ студенті Айғаным Ғинаят Егер бұрынғы Конституция тәуелсіз Қазақстанның құрылуының негізі болса, жаңа Конституция жобасы жетілген мемлекет пен қоғамға эволюциялық көшуді білдіреді. Бұл жинақталған тәжірибеден бас тарту емес, мемлекет пен азаматтар арасындағы сенімді нығайтуға бағытталған.

Турнир Абай Құнанбаевтың шығармашылығын насихаттау мақсатында «Толық адам» тұжырымдасы аясында жеңіске деген ұмтылысты және өмірге белсенді көзқарасты білдіретін «Ыстық қайрат» ұранымен өтті. Жарысқа факультеттерден, институттан және Халықаралық кампустан сегіз команда қатысты. Студенттер жарыс барысында ұйымшылдық пен табандылықтың үлгісін көрсете білді. Тіл және әдебиет институты мен Педагогикалық факультетінің командалары арасындағы жартылай финалдық матч қызу өтті. Негізгі уақыт 5:5 есебімен аяқталды. Алайда, қосымша уақытта ПФ студенттері жоғары дайындық деңгейін көрсетіп, командалық рухын айқын танытты.  Нәтижесінде айып соққыдан кейін 7:6 есебімен жеңіске жетті.  ИСТФ екінші орынды иеленсе, ТжӘИ футболшылары үшінші орынды иеленді. Алмат Зұлқарнай (ФКС-22-2қ. тобы) үздік ойыншы деп танылды; Артур Бордуненко (Ю-24-2 тобы) 12 гол соғып, үздік шабуылшы деп танылды; Аслан Байқадамов (ФКС-22-2қ. тобы) үздік қақпашы атанды. Спартакиада ойындары факультетаралық ынтымақтастықты нығайтып, студенттердің спорттық әлеуетін дамытады.

Университетте дәстүрлі «AntiParaCraft» сыбайлас жемқорлыққа қарсы квест ойыны өтті. Шара жастар арасында академиялық адалдық қағидаттарын дамытуға бағытталған. Биыл барлық факультеттерден 7 команда қатысып, 40-тан астам қатысушыны біріктірді. Білім алушылар  өздерінің сыбайлас жемқорлыққа қарсы бағыттарын ұсынды, тақырып төңірегінде тапсырмаларды орындады, сұрақтарға жауап беріп жұмбақтарды шешті. Ойынның ерекше қызықты кезеңдерінің бірі «Детектив: Мамандар жүргізген тергеу» болды. Командаларға жағдайды сипаттайтын  дәлелдемелер жиынтығы ұсынылды: хат алмасу скриншоттары, түбіртектер және «сыйлықтардың» фотосуреттері. Зияткерлік ойындардан кейін жеңімпаздар мен жүлдегерлер анықталды: 1-орын – МФ 2-орын – ИСТФ 3-орын – МЖҒФ Құттықтаймыз!

Қозыбаев университетінің Ғылым департаментінің Коммерцияландыру кеңсесі университеттің профессор-оқытушылар құрамымен, докторанттарымен және магистранттарымен ғылыми қызмет нәтижелерін коммерцияландыруды дамыту мәселелері бойынша «Университет ғылымын коммерцияландыру стратегиясы»  жұмыс кеңесін өткізді. Кездесу барысында нақты экономикада ғылыми әзірлемелерді енгізудің қазіргі заманғы перспективалары, университеттің өңірдің инновациялық экожүйесін қалыптастырудағы рөлі талқыланды. Шарада Қозыбаев университетінің  Аризона университетімен халықаралық ынтымақтастығы атап өтілді. Серіктестік бірлескен білім беру және ғылыми бағыттарды дамытуды, технологиялар трансферті және инновацияларды енгізу саласында тәжірибе алмасуды қамтиды. Американдық университеттің тәжірибесі технологиялар трансфертінің мамандандырылған құрылымдары арқылы коммерцияландыруға, стартаптар құруға және ғылыми зерттеулерді экономикаға белсенді интеграциялауға жүйелі көзқарасты көрсетеді. Жоғары оқу орнының табысты қызметіне ерекше назар аударылды. Атап айтқанда, университеттің су ресурстары және тұрақты су пайдалану саласындағы бағдарламалық-мақсатты қаржыландыру конкурсындағы жеңісі атап өтілді. Бұл жобаны іске асыру су қауіпсіздігі саласындағы ғылыми зерттеулерді күшейтуге, өңір үшін қолданбалы шешімдерді енгізуге және өндірістік және мемлекеттік құрылымдармен ынтымақтастықты кеңейтуге мүмкіндік береді. Сондай-ақ, университеттің Су ғылыми-технологиялық орталығының қызметі мысал ретінде келтірілді. Бұл орталық ғылыми әзірлемелерді нақты секторға енгізудің алғашқы тәжірибесі және университет құзыреттілігіне нарықтық сұранысты растады. Кеңес қорытындысы бойынша, коммерцияландырылатын жобалардың тұрақты портфелін қалыптастыру, ғылым мен бизнестің өзара іс-қимылын күшейту, сондай-ақ профессор-оқытушылар құрамы мен жас зерттеушілердің ғылыми нәтижелерді қолданбалы қатысуын арттыру қажеттілігі атап өтілді. Кездесу коммерцияландырылған жобалардың тұрақты портфолиосын әзірлеу, ғылым мен бизнес арасындағы ынтымақтастықты нығайту және ғылыми нәтижелерді қолданбалы түрде түрлендіру процестеріне оқытушылар мен жас зерттеушілердің қатысуын арттыру мәселесі қозғалды.

Қозыбаев университетінің Агротехнологиялық факультетінің студенттері елдегі екінші ірі ауыл шаруашылығы холдингі- Қазақстанның астық консорциумының басшылығымен кездесті. Бас директордың өндіріс жөніндегі орынбасары Томас Доренвендт компанияның Солтүстік Қазақстан және Ақмола облыстарында шамамен 350 000 гектар жерді игеріп, дәнді, бұршақ және майлы дақылдардың әртараптандырылған ауыспалы егіс жүйесін дамытып, гектарына орташа есеппен 20 центнер өнім алатынын атап өтті. Ауыл шаруашылығы холдингінің құрамына жалпы сыйымдылығы 750 000 тонна болатын алты элеватор және екі диірмен, сондай-ақ сүт, мал шаруашылығы кешендері кіреді. Нысан жетекші әлемдік брендтердің заманауи жабдықтарымен жабдықталған және цифрлық технологияларды белсенді түрде енгізеді. «Мұндай ірі компаниялар елдің ұлттық қауіпсіздігін қамтамасыз етеді. Бүгін біз Қазақстандағы ең ірі ауыл шаруашылығы «Қазақстанның астық консорциумы» ЖШС-ны қарсы алдық. Біз аймақтың барлық салалары үшін кадрларды даярлауды жүзеге асырамыз. Агротехнологиялық факультеті университеттің ең үздік факультеттерінің бірі. Зерттеулер үшін қаржыландыруды арттырдық, шамамен 1 миллиард зертханалар сатып алдық және оларды аккредиттеу бойынша жұмыс істеп жатырмыз. Біздің мақсатымыз- аймақтық ауыл шаруашылығы өндірушілеріне қолдау көрсету. Осы мақсатта біз зертханаларды заманауи анализаторлармен жабдықтадық және аудандық кәсіпорындарға бардық», - деді Басқарма Төрағасы-Ректор Ербол Исақаев. Бүгінгі таңда Агротехнологиялық факультетінде 675 студент бар, олардың 80%-ы мемлекеттік грантта оқиды.. Мұндай кездесулердің мақсаты- өзара әрекеттесуінің тұрақты моделін әзірлеу, білім беру бағдарламаларын қазіргі сала талаптарына сәйкестендіру, студенттерге ерте мансаптық бағдар беру және аймақтық агроөнеркәсіп кешенін білікті кадрлармен қамтамасыз ету. Диалог барысында дуальды білім беруді енгізу тетіктері, тағылымдама және практикалық оқыту мүмкіндіктерін кеңейту, зертханалық зерттеулерде - агрохимия, топырақ, жем-шөп, өнім сапасын талдауда ынтымақтастықты дамыту талқыланды.  Болашақ жоспарларға ресми серіктестік туралы келісімді әзірлеу, дуалды білім берудің пилоттық бағыттарын анықтау және бірлескен қолданбалы жобаларды іске қосу кіреді.