«Күміс университеті» – бұл үздіксіз білім беру аясындағы жоба. Жоба 50 жастан асқан Қазақстан азаматтарына арналған. Мақсаты – тыңдаушыларға теориялық және практикалық білім, кәсіби дағдылар мен құзыреттер беру.
«Күміс университеті» М.Қозыбаев атындағы СҚУ-дың Үздіксіз білім беру институты базасында жұмыс істейді.
«Күміс университетінің» негізгі мақсаты – тыңдаушыларға білім мен дағды беріп, олардың кәсіби дамуына көмектесу.
«Күміс университетінің» негізгі міндеттері:
1) Тыңдаушылардың өзін-өзі дамытуына, шығармашылық қабілеттерін ашуға қолайлы жағдай жасау;
2) Тыңдаушыларды жаңа кәсіби дағдыларға үйрету, қазіргі өмірге бейімделуге көмектесу, соның ішінде заманауи техника мен ақпараттық технологияларды меңгеру;
3) Салауатты өмір салтын насихаттау, тыңдаушылардың дене белсенділігін арттыру;
4) Тыңдаушылардың қарым-қатынас жасау дағдыларын жақсарту, құқықтық және қаржылық сауаттылығын арттыру.
«Күміс университетінің» тыңдаушысы өз еркімен оқудан шығуға құқылы. «Күміс университетінде» оқу тегін жүргізіледі. Оқу жылы 1 қыркүйектен 1 маусымға дейін жалғасады. Курсты аяқтаған соң кәсіби даярлық туралы сертификат беріледі.
Жаңа дағдылар мен құзыреттерді дамыту
Заманауи технологияларды меңгеру
Дене белсенділігін қолдау
Қарым-қатынас пен өзіндік сенімділікті арттыру
Қызықты курс таңдаңыз
Телефон арқылы хабарласыңыз: +7 (7152) 493233, ішкі 2080 немесе +7-777-139-86-79
1 қыркүйектен бастап оқуды бастаңыз!
Маңызды: «Күміс университетінде» оқу 50 жастан асқан барлық азаматтар үшін толығымен тегін!
«КҮМІС УНИВЕРСИТЕТІНІҢ» КУРС ТІЗІМІ
ЙОГА
САУЫҚТЫРУ ДЕНЕ ШЫНЫҚТЫРУЫ
ӘН АЙТУ (ВОКАЛ)
КОМПЬЮТЕРЛІК ЖӘНЕ ЦИФРЛЫҚ САУАТТЫЛЫҚ
ЖАҒДАЙҒА БАЙЛАНЫСТЫ ҚАЗАҚ ТІЛІ
САЯХАТ ЖУРНАЛИСТИКАСЫ