Қазақстандағы университеттік автономияға көшу (TRUNAK)

 

TRUNAK
Transition 
to University
Autonomy 
in Kazakhstan

Transition to University Autonomy in Kazakhstan (TRUNAK)

М. Қозыбаев атындағы СҚМУ Еуропалық Комиссия қаржыландыратын Erasmus+ "TRUNАK Қазақстандағы университеттік автономияға көшу" жобасының қатысушысы болды. Erasmus+ "Жоғары Білім Беру Әлеуетін Арттыру" бағдарламасының III конкурсының қорытындысы бойынша 19 ЖОО-дан қазақстандық серіктестердің қатысуымен 9 миллион еуродан астам сомаға жеті жоба қаржыландырылды.

"TRUNAK Қазақстандағы университеттік автономияға көшу" (Transition to University Autonomy in Kazakhstan/TRUNAK) жобасының үйлестірушісі және грант иесі қазақстандық ЖОО – Қарағанды мемлекеттік медицина университеті болып табылады. Жобаның орындалуы 2017-2020 жылдар ішінде жоспарлануда.

Бұл жобаның мақсаты қазақстандық университеттердің дәстүрлі басқару нысанынан автономды басқаруға көшу моделін құру болып табылады. Жобаның негізгі нәтижелері Қазақстандағы жоғары оқу орындарының қазіргі автономиясын және еуропалық жоғары оқу орындарының үздік практикасын талдау, университеттік автономияның базалық моделін және Қазақстан жағдайында осы модельді қолдану жөніндегі ұсыныстарды әзірлеу, автономияны одан әрі дамыту үшін тәжірибе мен зерттеу нәтижелерін тарату болып табылады.

Жобаның ресми сайты trunak.eu

TRUNAK жобасының буклеті: на казахском языке, на английском языке, на русском языке.

Жобаға қатысушылар:

  1. ҚР Білім және ғылым министрлігі;
  2. ҚР Денсаулық сақтау министрлігі;
  3. Еуропалық Университеттер Ассоциациясы (EUA);
  4. М. Қозыбаев атындағы Солтүстік Қазақстан мемлекеттік университеті;
  5. Х. Досмұхамедов атындағы Атырау мемлекеттік университеті;
  6. Қазтұтынуодағы Қарағанды экономикалық университеті;
  7. Қарағанды мемлекеттік медицина университеті;
  8. Астана медицина университеті;
  9. М. Оспанов атындағы Батыс Қазақстан мемлекеттік медицина университеті;
  10. Лунд Университеті, Швеция;
  11. Люблян Университеті, Словения;
  12. Аға Хан университеті-мұсылман өркениетін зерттеу институты, Ұлыбритания;
  13. Люблин техникалық университеті, Польша;
  14. Савония қолданбалы ғылымдар университеті, Финляндия;
  15. Universita Cattolica Del Sacro Cuore Католик университеті, Италия.

Қауымдастырылған серіктестер:

  1. Медицина жастарының Қазақстандық ұйымы;
  2. Htacamp Қауымдастығы (Италия).

 

М. Қозыбаев атындағы СҚМУ жұмыс тобы

  • С.М. Өмірбаев, М. Қозыбаев атындағы СҚМУ ректоры
  • М.В. Погребицкая, стратегия, сапа және интернационалдандыру Департаментінің директоры, жоба менеджері
  • Т.К. Сагитдинова, "Герман-роман филологиясы" кафедрасының аға оқытушысы, жоба үйлестірушісі
  • Р.К. Шоткин, халықаралық ынтымақтастық және интернационалдандыру бөлімінің басшысы
  • Н.Ю. Побежук, Академиялық қызмет жөніндегі Департаментінің директорының орынбасары
  • Д.Т. Есембекова, стратегия және аккредиттеу бөлімінің басшысы

ЖОБАНЫ ЖҮЗЕГЕ АСЫРУ

2017 жылғы 13-17 қараша.Қарағандыдағы Ұйымдастырушылық отырыс

2017 ж. 13-17 қарашада Қарағанды мемлекеттік медицина университеті базасында жобаға қатысушылардың бірінші жиналысы өтті. Отырыс барысында М. Қозыбаев атындағы СҚМУ туралы презентация ұсынылды. Университет ректоры С. Өмірбаев шетелдік жоғары оқу орындары мен халықаралық ұйымдардың өкілдерін Қазақстандағы университеттердің автономиясының қазіргі жай-күйімен және оны кеңейту келешегімен таныстырды.

Университеттердің автономиясы туралы отырыстағы басқа қатысушылардың сұхбаты:


2018 жылғы 31 қаңтар. Еуропалық университеттер ассоциациясының (EUA) өкілдерімен екіжақты кездесу

2018 жылдың 31 қаңтарында Брюссельде (Бельгия) Еуропалық Университеттер Ассоциациясымен "Қазақстандағы университеттік автономияға көшу / TRUNAK" жобасының серіктестерімен екіжақты кездесу өтті. Отырысқа жоба менеджері Гүлдана Ахметова, мемлекеттік саясатты басқару, қаржыландыру және дамыту жөніндегі директор Томас Эстерманн, директордың басқару, қаржыландыру және мемлекеттік саясат мәселелері жөніндегі орынбасары Энора Прувот және қаржы бөлімінің өкілдері қатысты. Кездесуде 2018 жылғы 19-20 наурызда Брюссельде жоспарланған алдағы семинардың күн тәртібі, сондай-ақ семинардың ұйымдастыру мәселелері талқыланды.


2018 жылғы 5 наурыз. Қарағандыдағы "Қазақстандағы университеттік автономияға көшу" (TRUNAK) жобасының мониторингі

2018 жылдың 5 наурызында ҚММУ "Эразмус+" бағдарламасының "Қазақстандағы университеттік автономияға көшу" (TRUNAK) жобасының мониторингі өтті. Жобаның нәтижелері Қазақстандағы "Эразмус +" ұлттық кеңсесінің директоры Шайзада Тасболатова мен директордың орынбасары Жанат Қазбековаға ұсынылды.

Кездесу барысында қазіргі проблемалар, операциялық және қаржылық қиындықтар талқыланды, сондай-ақ оларды шешу жолдары айқындалды.

Мониторингке ҚР Денсаулық сақтау министрлігінің және бес қазақстандық университеттердің өкілдері: ҚММУ ректоры Раушан Досмағамбетова, М. Қозыбаев атындағы СҚМУ ректоры Серік Өмірбаев , Марат Оспанов атындағы БҚММУ ректоры Ербол Бекмұхамбетов және т. б. қатысты.

Кездесу барысында жоба бойынша серіктестер жобаның орындалу барысын талқылады. Жобаның жұмыс тобының мүшелері аудиторияны жұмыс барысымен таныстыру үшін, жұмыс пакеттері бойынша презентациялар дайындады. Баяндамаларда Жобаның мақсаттары мен міндеттері, жоба мақсаттарының өзектілігі, тиімділігі, тұрақты даму үшін таралуы мен әлеуеті көрсетілді.


2018 жылғы 19-20 наурыз. Еуропалық университеттер ассоциациясы базасында өткен үйретуші семинар (EUA)

19-20 наурызда Брюссельде Еуропалық университеттер ассоциациясы (EUA) негізінде Эразмус+ "TRUNAK Қазақстандағы университеттік автономияға көшу" жобасын жүзеге асыру шеңберінде университеттердің автономиясын зерттеу және бағалау бойынша оқыту семинары өтті.

Еуропалық университеттер қауымдастығының қызметкерлері университеттік автономияны анықтау, еуропалық бенчмаркинг негізінде оның артықшылықтары мен құрылымдық шарттары туралы ақпарат ұсынды.

TRUNАK консорциумы бойынша серіктестер Еуропалық университеттер қауымдастығы әзірлеген автономияны бағалау жүйесіне сәйкес, автономияның ағымдағы жағдайы туралы ақпаратты жинау және талдау әдістемелеріне оқытылды. Бұл тәсіл ұйымдық, қаржылық, кадрлық және академиялық автономияның төрт саласы үшін көрсеткіштерді талдауға негізделген.

Семинардың қатысушылары Қарағанды мемлекеттік медицина университетінің, М. Қозыбаев атындағы Солтүстік Қазақстан мемлекеттік университетінің , Шығыс Қазақстан мемлекеттік медицина университетінің, Х. Досмұхамедов атындағы Атырау мемлекеттік университетінің,  Қазтұтынуодағы Қарағанды экономикалық университетінің, М. Оспанов атындағы Батыс Қазақстан мемлекеттік медицина университеті, Савония қолданбалы ғылымдар университетінің (Финляндия), Universita Cattolica Del Sacro Cuore Католик университетінің (Италия), Люблин техникалық университетінің (Польша), Ага Хан университеті-мұсылман өркениетін зерттеу институтінің (Ұлыбритания), Лунда университетінің (Швеция), Люблян университетінің (Словения). өкілдері болды.

М. Қозыбаев атындағы СҚМУ-дың семинар жұмысында стратегия, сапа және интернационалдандыру Департаментінің директоры және жоба менеджері-М. В. Погребицкая, "Герман – романская филология" кафедрасының аға оқытушысы және жоба үйлестірушісі-Т. К. Сагитдинова, халықаралық ынтымақтастық және интернационалдандыру бөлімінің басшысы-Р. К. Шоткин қатысты.

2018 жылдың сәуір және мамыр айларында TRUNAK жобасын одан әрі іске асыру аясында қазақстандық ЖОО EAU әдіснамасы бойынша автономия процестерін зерттеуге қатысады. Зерттеу нәтижелері Еуропалық университеттер Ассоциациясымен талданып, академиялық қауымдастыққа ұсынылады. Алынған нәтижелер, сондай-ақ еуропалық елдердің жоғары оқу орындарының автономиясын дамыту саласындағы тәжірибесі негізінде, TRUNAK консорциум мүшелері қазақстандық университеттердің университеттік автономиясының келісілген моделін әзірлейді.