Түркістан қаласында ересектер арасындағы қазақ күресінен Қазақстан Республикасы Кубогінің іріктеу кезеңі өтті. Додаға еліміздің түкпір-түкпірінен келген мықты балуандар қатысып, өзара бақ сынасты. Жарыстың екінші күні өз мәресіне жетті Солтүстік Қазақстан облысының намысын қорғаған «Дене шынықтыру және спорт» кафедрасының 4-курс студенті Дмитрий Динер 82 келі салмақ дәрежесінде өнер көрсетіп,  І орын иегері атанды Бұл жеңіс – спортшының табанды еңбегі мен жүйелі дайындығының жемісі. Алдағы уақытта жас спортшыға жаңа белестер мен толағай табыстар тілейміз!

Жоғары оқу орнымызда 20 жылдан астам уақыт бойы мектеп оқушыларына арналған  тіл пәндері бойынша аймақтық олимпиада өткізіліп келеді. Осы жолы оқу ордамызға қаламыздың 93 мектебінен және СҚО11 ауданынан 370-тен астам бала жиналды. Зияткерлік сайыс дарынды балалардың шығармашылық қабілеттерін қолдауға, ғылыми білімді насихаттауға, оқыту деңгейін арттыруға, балалардың сөйлеу дағдыларын қалыптастыруға, сондай-ақ мектеп түлектеріне кәсіби бағдар беруге бағытталған. Қатысушылар әдебиет, қазақ, ағылшын, орыс, неміс, француз тілдері бойынша жарысты. Олимпиада екі кезеңде ұйымдастырылды. Алдымен оқушылар өз ойларын жазбаша түрде эссе арқылы жеткізе білу қабілеттерін көрсетті. Екінші кезеңде оқу, тыңдау, сөйлеу дағдылары тексерілді. Олимпиада облыс мұғалімдері үшін тәжірибе алмасу және өзекті педагогикалық мәселелерін талқылау алаңына айналды. Семинар барысында төмендегідей тақырыптар талқыланды: «Заманауи шет тілдерін оқытуды жетілдіру», «Бәсекеге қабілетті түлекті даярлаудың шарты ретінде кәсіби құзыреттілікті қалыптастыру», «Қазақ тілінен басқа тілде оқытылатын мектептерде қазақ тілін оқытудың мазмұны мен тиімділігі». Сондай-ақ, олимпиада аясында тілдерді оқытудағы инновациялық әдістер мен технологияларды ұсыну бойынша кездесулер өткізілді.

31 наурыз күні Қозыбаев университетінің командасы SERPIN WAY 2.0 брендтелген автобуспен Петропавл қаласынан жолға шықты. 23 күн ішінде студенттер, оқытушылар, қызметкерлер, сондай-ақ қоғам қайраткерлері мен қалалық Мансап орталығының өкілдері Қазақстан бойынша 6 мың шақырымнан астам жол жүреді. Осы уақыт ішінде олар Қарағанды, Жетісу, Алматы, Жамбыл, Қызылорда, Түркістан және Ақтөбе облыстарына барады. SERPIN WAY 2.0 керуені ірі қалалар мен шалғай ауылдардың әкімшілігімен, мектеп оқушыларымен, олардың ата-аналарымен кездеседі. Солтүстік-оңтүстік бағыты талапкерлерді қабылдау, грант мүмкіндіктері, білім беру бағдарламалары, оның ішінде Аризона университетімен қос дипломды бағдарламалар және ЖОО шарттары туралы ақпараттандыру мақсатында іске асады. Өткен жылы Қозыбаев университеті бұл бастаманы Қазақстанда алғаш рет жүзеге асырды. Нәтижесінде еліміздің оңтүстік өңірлерінен 130-ға жуық студент тартылды. Биыл бастама жаңа кезеңге қадам басады.Бұл жолы бағыт 14 қаланы, сондай-ақ 16 ауыл мен аудан орталықтарын қамтиды. Сапардың тағы бір маңызды мақсаты - ұлттық «Серпін» бағдарламасына жаңа серпіліс беру. Соңғы он жыл ішінде бұл бағдарлама мыңдаған жас қазақстандық үшін әлеуметтік мүмкіндіктер алаңына айналып, еңбек күші артық өңірлердің жастарына сапалы білім алып, кадр тапшылығы бар аймақтарда жұмыс табуға жол ашты. Қозыбаев университеті 2014 жылдан бастап «Серпін» бағдарламасын іске асыруға қатысады. Осы уақыт ішінде 1400-ден астам студент оқуларын бітірді. SERPIN WAY 2.0 командасының құрамында 24 адам бар. ҚР Ғылым және жоғары білім министрінің кеңесшісі Руслан Емелбаев онлайн құттықтауын жолдады: «Екінші жыл қатарынан Қозыбаев университеті бірегей жобаны жүзеге асырады. Елдің бүкіл оңтүстік аймағын қамтиды. Биыл 120-ға жуық іс-шара, талапкерлермен кездесулер өткізіледі. Сапар барысында 30-дан астам елді мекен қамтылады. Бұл балаларға толық кәсіби бағдар беру ақпаратын, ҰБТ өткізу, «Серпін» бағдарламасына қатысу бойынша кеңес алуға таптырмас мүмкіндік», - деді Руслан Емелбаев. Сондай-ақ, SERPIN WAY 2.0 командасына Қозыбаев университеті Директорлар кеңесінің төрағасы Ғалым Байтук сәттілік тіледі. SERPIN WAY 2.0 керуені 23 сәуірде Петропавлға оралады. Аудиторияны жалпы ақпараттық қамту 600 мыңнан астам адамды құрайды. Бұл сапар мыңдаған жастардың армандарын, мақсаттарын және болашағын  тоғыстырып, өңірлер арасындағы нақты мүмкіндіктер алаңына айналады.

Жоғары оқу орнынының Медициналық факультетінде түлектерге арналған бос жұмыс орындар жәрмеңкесі өтті. Шараға 20-дан астам медициналық мекеме ұсынылды. Жәрмеңкеге медициналық ұйымдардың өкілдері өз мекемелеріндегі бос жұмыс орындары туралы толық ақпарат беріп, жас мамандарға қойылатын талаптармен таныстырды. Бұл олардың еңбек нарығына бейімделуіне және кәсіби тәжірибе жинақтауына үлкен септігін тигізеді. «Биыл факультетте барлығы 137 түлек бар(бакалавриат және интернатура). Өткен жылы 195 білім алушы болды. Оның 11-і Астана қаласының резидентурасына түсті, 8-і жүктілік және бала күтімі бойынша босатылды. Осылайша, жұмысқа орналасу пайызы- 100% құрады», - деді  Қозыбаев университетінің дуальды оқыту және мансап орталығы жетекшісінің міндетін атқарушы Асель Кельдегулова. Университет 2018 жылдан бастап медицина саласы бойынша мамандарды даярлауды бастады. Бүгінде  «Жалпы медицина» және «Фармация» бағдарламалары бойынша 180-нен астам студенттер мен интерндер оқиды. Сабақтарды университет оқытушылары және дәрігерлер де жүргізеді.  Факультет заманауи жабдықтармен жабдықталған, анатомия, физиология, гистология, 3D медициналық тренажер және т. б. бойынша оқу және ғылыми зертханалар жұмыс істейді. Іс-шарада Солтүстік Қазақстан облысының медициналық ұйымдары барлығы 100-ден астам бос жұмыс орындарын ұсынды.

  Ең ірі технологиялық форум, Digital Qazaqstan 2026, Шымкент қаласында аяқталып, аймақтық ауқымда IT саласының болашағын талқылаудың негізгі алаңына айналды. ЕАЭО елдерінің сарапшылары мен цифрлық нарық көшбасшылары озық технологияларды нақты экономикаға интеграциялауға бағытталған «Industry 5.0: Өзара іс-қимыл күші» тұжырымдамасына назар аударды. Іс-шараға Қозыбаев университетінің Академиялық мәселелер жөніндегі Басқарма мүшесі Айгүл Нұрпейісова мен Инженерия және сандық технологиялар факультетінің деканы Қайнижамал Ықласова қатысып, университетіміздің білім беру және ғылыми-зерттеу күн тәртібін қазіргі салалық талаптарға сай үйлестіруге мүмкіндік берді. Форумның практикалық сессиялары барысында мемлекеттік қызметтерді автоматтандыратын агентті жүйе инновациялық AlemGPT платформасы ұсынылды. Бұл түлектерімізді даярлап жатқан жасанды интеллект шешімдерінің даму бағытын айқын көрсетеді. «Қазақтелеком» АҚ-ның «Деректер орталықтары алқабы» сияқты инфрақұрылымдық жобалар академиялық қауымдастықтың ерекше қызығушылығын тудырды. Қуаттылығы 50 МВт-қа дейін жететін заманауи деректерді өңдеу орталықтарын құру университет қабырғасында жүзеге асырылып жатқан машиналық оқыту мен үлкен деректерді талдау саласындағы ғылымды қажет ететін жобаларға техникалық негіз қалыптастырады. ҚР Ғылым және жоғары білім вице-министрі Динара Щеглова мен ірі ұлттық компаниялардың басшыларының қатысуымен өткен талқылау-басым экономикалық салаларда жасанды интеллектті енгізуге қабілетті жаңа буын кадрларын даярлау тақырыбына арналды. Біздің университет үшін бұл талқылау академиялық орта мен бизнес арасындағы синергияның маңыздылығын растады: бүгінде басты назар студенттердің өнеркәсіптік серіктестермен бірлесіп, елдің цифрлық трансформациясын қамтамасыз ететін нақты әлемдегі технологиялық шешімдерді әзірлейтін білім беру жолдарын құруға аударылады. Біздің университетіміздегі AI-Sana бағдарламасының екінші кезеңіне 2500-ден астам студент қабылданды. Бұл базалық ЖИ оқытудан технологияларды практикалық қолдануға және өз жобаларын әзірлеуге көшудің негізгі кезеңі болады. Форумда «Digital Aimaq» стратегиялық жобасын ұсынған Солтүстік Қазақстан облысының озық тәжірибелеріне ерекше назар аударылды. Ауылдық жерлерге арналған бұл бірегей IT экожүйесі қалалық және ауылдық жерлер арасындағы цифрлық алшақтықты жоюға бағытталған. Ауқымды цифрландыру 7800-ден астам ауыл тұрғындарын қамтып, болашақ экономикасы үшін жаңа өсу нүктелерін қалыптастырады деп күтіледі. Жоба аясында аймақта он бір IT орталығы сәтті жұмыс істейді. Оның ішінде елдегі алғашқы аудандық шығармашылық орталығы «Esil.AI» және бірегей цифрлық мұражай «Ziyatker Myra» бар. Біздің университет үшін «Digital Aimaq»: студенттерді ауыл шаруашылығы саласына арналған жобаларды әзірлеуге тартады, аймақ бойынша жасанды интеллект және шығармашылық салалардағы дарынды кадрларды дайындауға мүмкіндік береді. Шымкенттегі форумның нәтижелері- аймақтарды цифрлық трансформациялау үдерісінде жоғары білім берудің сапалы кадрларын құрудағы рөлін күшейтуді талап етеді. Алынған тәжірибе және ұсыныстар талдау оқу бағдарламаларын жаңарту және университеттің жасанды интеллект, цифрландыру саласындағы ғылыми-әдістемелік негізін жақсарту үшін пайдалы болады.  

Агротехнологиялық факультетінде «Август-Қазақстан» ЖШС-мен бірлескен екі маңызды шара өткізілді: агроолимпиада және брендтелген оқу кабинеті ашылды. Компания делегациясын «Август-Қазақстан» ЖШС Бас директоры Құсайынов О.Д. басқарды. Бұл ынтымақтастықтың стратегиялық деңгейі мен практикалық маңыздылығын айқындай түсті. Аталған шаралар 10 жылдан астам уақыт бойы қалыптасқан жүйелі серіктестіктің нәтижесі. Ынтымақтастық қолданбалы сипатқа ие: білім беру процесі аграрлық саланың қажеттіліктерімен байланысады, ал студенттер оқу барысында кәсіби ортаға тартылады. Агроолимпиада студенттердің кәсіби құзыреттілігін бағалау алаңына айналды. Оның қорытындысы бойынша ең мықты қатысушылар анықталды: Балкашев Ренат, Тарасенко Олег, Манайдар Дәурен, Нурикенов Дамир («Агрономия» және «Өсімдіктер туралы ғылым және технологиялар» білім беру бағдарламалары). Жеңімпаздар факультет атынан екінші кезеңге (Мәскеу маңындағы Черноголовка қаласындағы) ҒЗО-да халықаралық деңгейде қатысады. Брендтелген оқу кабинетінің ашылуы факультеттің білім беру инфрақұрылымын нығайтады және тәжірибеге бағытталған оқытудың заманауи ортасын қалыптастырады. «Август-Қазақстан» ЖШС-мен ынтымақтастықтың тиімділігі нақты нәтижелерге ие: - бейінді саладағы түлектерді жұмысқа орналастыру Хитров Александр-«Ақжер 2010» ЖШС директоры, Парунов Сергей, Шохтыбаев Қайдар, Турков Константин-технологтар. - оқыту семинарлары; - бәсекеге қабілетті мамандарды даярлау. «Август-Қазақстан» ЖШС-не тиімді ынтымақтастық және жоғары білікті мамандарды даярлауға қосқан үлесі үшін алғыс білдіреміз.

Қазақстан Республикасының Туризм және спорт министрі Ербол Мырзабосынов университетіміздің мақтанышы,дарынды спортшы Ербол Хамитовқа «Қазақстанның еңбек сіңірген спорт шебері» атағын табыстады.Ербол Хамитов – пара биатлоннан Әлем кубогының жалпы есебінде топ жарып, «Хрусталь глобусқа» қол жеткізген алғашқы қазақстандық спортшы. Сонымен қатар, қысқы Паралимпиада ойындарында қайсарлық пен табандылық танытып, ел қоржынына алтын медаль және пара шаңғы жарысынан қола медаль жеңіп, ел намысын асқақтатты.Спортшының жоғары жетістіктеріне қосқан үлесі үшін оның жаттықтырушылары Аслан Тоқбаев, Василий Коломиец және Антон Жданович Құрмет грамотасымен марапатталды.Университет ұжымы Ербол Хамитовты жоғары марапатымен құттықтай отырып, алдағы жарыстарда жаңа жеңістер тілейді.

Мемлекет басшысы Қозыбаев университетінің студенті Ербол Хамитовтың 2026 жылғы Паралимпиада ойындарындағы жеңісін ұлттық параспорт тарихындағы айтулы жетістік деп бағалады. Қазақстандық спортшы ұлттық құрама қоржынына алғашқы алтын медалін әкеліп, парабиатлонда 4,5 шақырымдық жарыста топ жарды. Сондай-ақ, шаңғы жарысында қола жүлдегер атанды. Бұл көрсеткіш командаға жалпы командалық есепте 18-ші орын алуға мүмкіндік берді. Ақордадағы марапаттау рәсімінде Президент Ербол Хамитовқа Италиядағы XIV қысқы Паралимпиада ойындарындағы ерекше спорттық жетістіктері үшін III дәрежелі «Барыс» орденін табыстады. «Ербол бүкіл әлемге қазақ халқының табандылығын, батылдығы мен ерлігін көрсетті. Жаттықтырушыларға шын жүректен алғысымды білдіргім келеді. Паралимпиада ойындарының алдында мен сіздерге еліміздің көгілдір туын табыстадым. Сіз өзіңізге артылған жоғары сенімді толық ақтап, Қазақстанға жеңіспен оралдыңыз. Еліміз жалпы командалық есепте 18-ші орынға көтеріліп, тамаша нәтижеге қол жеткізді. Үздіктер арасында чемпион атағын жеңіп алдыңыз. Бұл жетістік көпжылдық қажырлы дайындық пен еңбектің нәтижесі », - деп атап өтті Президент. Қасым-Жомарт Тоқаев жаттықтырушылардың үлесін атап өтіп, пара-спортшылармен жұмыс істейтін барлық мамандарға, соның ішінде дәрігерлер мен демеушілерге алғысын білдірді. Ерболдың екі жаттықтырушысы, Антон Жданович пен Аслан Тоқбаевтың М.Қозыбаев атындағы Солтүстік Қазақстан университетінің түлектері. Ақордадағы рәсім барысында Ербол Хамитов пен оның командасының еліміздегі спортты дамытуға және Қазақстанның халықаралық беделін арттыруға қосқан үлесі ерекше аталды. Сонымен қатар, Ербол Хамитовқа СҚО әкімдігі тарапынан Петропавл қаласындағы үш бөлмелі пәтер табысталып, Қозыбаев университетінің магистратурасында білім алуына грант берілді.

ҚазАтомӨнеркәсіп- Қазақстанның Ұлттық атом компаниясы, табиғи уран өндіру бойынша әлемдік көшбасшы. Жаһандық кәсіпорынмен ынтымақтастық ЖОО үшін кең мүмкіндіктер ашады. Осыған дейін университет басшылығы мен стратегиялық әріптестеріміз- Аризона Университетінің өкілдері, ғылым, технология және кадрлар даярлау саласындағы өзара ынтымақтастықты дамыту мәселелерін талқылау мақсатында «ҚазАтомӨнеркәсіп» АҚ барған болатын. Осы жолы қонақтар Kozybayev Labs: «Агрохиманалитика», «Су сапасын бағалау», «Микробиология», «Экологиялық токсикология және биоәртүрлілік» ғылыми-зерттеу зертханаларымен танысты. Олар 938 млн теңгеге жабдық ұтып алған БМҚ жобасы аясында сатып алынды. Делегация құрамы химия және химиялық технологиялар кафедрасының зертханаларын және біздің ЖОО базасындағы «Су ғылыми-технологиялық орталығы» ЖШС өндірістік кешенін аралады. Университет басшылығымен және ғалымдарымен кездесуде ғылыми ынтымақтастық жоспарлары талқыланды. Аризона университетінің зерттеушісі Шамиль Саев уранды, сондай-ақ, сирек кездесетін жер металдарын селективті түрде алу үшін күкірт полимерінің адсорбенттерін пайдалану саласындағы бірлескен әзірлемелермен таныстырды. Оқу ордамыздың ғалымдары су ресурстары, пластмасса жасау, химиялық экология саласындағы зерттеулердің өз бағыттарын ұсынды. «Біз ынтымақтастыққа ашықпыз. Консорциумда жұмыс істеуді ұсынамыз.  Сапалы және экономикалық тұрғыдан қамтамасыз ететін зерттеулер маңызды. Біз ұлттық компания. Сондықтан біздің міндетіміз- Ұлттық қорды толықтыру»,-деді «ҚазАтомӨнеркәсіп» АҚ Ғылым және сирек жер материалдары департаментінің жетекшісі  Арманбек Өмірғали. Жалпы, 2021-2025 жылдары университетте ҒЗТКЖ қаржыландыру көлемі 10 еседен астам өсті, ал жалпы табыстағы ғылымның үлесі 2,8% - дан 14,5% - ға дейін ұлғайды. 2025 жылы жалпы бюджеті 1 310,424 млн теңгені құрайтын 12 ғылыми жоба іске асырылды, 2 млрд теңгеден астам сомаға тағы 19 жоба бойынша өтінімдер берілді. Коммерцияландыру саласында өңір кәсіпорындарымен бірлесіп 1,7 млрд теңгеге өтінім берілді, оның 412 млн теңгесі- жеке инвестициялар болып табылады. Негізгі міндет-АӨК, азық-түлік қауіпсіздігі, сумен қамтамасыз ету саласында өңірлік кластерлерді дамыту болып табылады. Мұндай әріптестік озық зерттеулерді дамыту, әлемдік деңгейдегі кадрларды даярлау және қазақстандық ғылымды жаһандық ғылыми-технологиялық кеңістікке интеграциялау үшін қосымша мүмкіндіктер ашады.

Университетте білім алушылардың аутодеструктивті мінез-құлқының алдын алуға бағытталған іс-шара өтті. Шараны оқу орнының Психологиялық қызметі жаңа сын-қатерлер жағдайында студенттердің психологиялық саулығын нығайту мақсатында ұйымдастырды. Оған ЖОО оқытушылары, қызметкерлері және психолог мамандары қатысты. Кездесу барысында білім алушылардың өмірге деген оң көзқарасын қалыптастыру, олардың дағдарыстық жағдайларының алдын алу және профилактикалық жұмыстарын жүйелі түрде жүргізу мәселелері талқыланды. Сонымен қатар, студенттердің қауіп-қатер деңгейін ерте анықтауға арналған іс-қимылдың бірыңғай алгоритмі таныстырылып, бекітілді. Жиында Солтүстік Қазақстан облыстық психикалық денсаулық орталығының мамандары қатысушыларды білім алушылармен жұмыс істеудің жаңа әдістері мен тиімді формаларымен таныстырды.