Қозыбаев университеті «Атамекен» ҰКП Білім беру бағдарламаларының рейтингінде жоғары нәтижелер көрсетіп, мамандарды даярлаудың бәсекеге қабілеттілігі мен тәжірибелік тиімділігін растады. Рейтинг қорытындысы бойынша: Екінші жыл қатарынан «Мал шаруашылығы өнімдерін өндіру технологиясы» білім беру бағдарламасы 1 орынды алуда. Біздің 4 білім беру бағдарламамыз 2 орын иеленді: «Биология» (IP) «Орыс тілі мен әдебиеті» «Арнайы педагогика» «Агрономия» 3 орын – «Шет тілі: екі шет тілі» ББ Тағы 24 білім беру бағдарламасы 4-тен 10-ға дейінгі орындарға ие болды. Рейтинг көрсеткіштерінің бірі түлектердің жұмысқа орналасу деңгейі болып табылады. Біздің 12 бағдарламамыз 100% жұмыспен қамту деңгейіне қол жеткізді! Бұл көрсеткіштер білім беру бағдарламаларының жоғары сапасын, олардың еңбек нарығының талаптарына сәйкестігін және университеттің мүдделі тараптармен тығыз байланыс орнатқандығын көрсетеді. «Атамекен» ҰКП рейтингі жұмыс берушілердің пікірін, түлектердің жұмысқа орналасу көрсеткіштерін және білім беру мазмұнының өзектілігін ескереді. Қозыбаев университеті білім беру бағдарламаларын әзірлеу, заманауи оқыту технологияларын енгізу және өнеркәсіптік серіктестермен байланысты нығайту бойынша жүйелі жұмысын жалғастырады. Сұранысқа ие және бәсекеге қабілетті түлектерді дайындауды қамтамасыз етеді.

Қозыбаев университетінің өкілдері Назарбаев Университетінде өткен Horizon Europe ақпараттық-желілік сессиясына қатысты. ҚР ҒЖБМ Ғылым комитеті Еуропалық комиссияның Global Service Facility компаниясымен бірлесіп ұйымдастырған іс- шара қазақстандық университеттер мен ғылыми ұйымдардың ЕО-ның зерттеулер мен инновацияларды қаржыландыру жөніндегі негізгі құралы Horizon Europe бағдарламасына қатысу мүмкіндіктеріне арналды. Шара ясында Horizon Europe бағдарламасының 2026-2027 жылдарға арналған мүмкіндіктері ұсынылды, сондай-ақ жобалық өтінімдерді дайындау, халықаралық консорциумдарды қалыптастыру бойынша практикалық ұсынымдар берілді. Желілік байланыс орнатуға және әлеуетті серіктестерді анықтауға ерекше назар аударылды. Бұл жаңа кәсіби байланыстар орнатуға, Қозыбаев университетінің ЖОО-мен және ғылыми-зерттеу ұйымдарымен бірлескен жобаларға қатысу перспективаларын талқылауға мүмкіндік берді. Сонымен қатар, мұның барлығы халықаралық ғылыми аренадағы позицияны нығайтуға, зерттеу жобаларының бәсекеге қабілеттілігін арттыруға және шетелдік қаржыландыру  қолжетімділігін кеңейтуге мүмкіндік береді.

Қозыбаев университеті мен Хэнань ауылшаруашылық инвестициялық тобының Қазақстан-Қытай ғылыми-зерттеу орталығын ашу жөніндегі бірлескен бастамасы экономикада маңызды рөл атқаратын Солтүстік Қазақстанның ауыл шаруашылығын дамытуға серпін береді. Жоба ауылшаруашылығы саласын дамытуға, заманауи инфрақұрылымға, озық технологиялар мен мамандарды даярлауға инвестицияларды көздейді. Бұл корпорация Қытайдың ең ірі ауылшаруашылық инвестициялық компанияларының бірі болып табылады, ауылшаруашылық секторында өндірістен бастап өңдеуге және сатуға дейінгі кешенді шешімдерді ұсынады. Өткен жылдың қараша айында СҚО делегациясының ҚХР сапары кезінде ынтымақтастық туралы меморандумға қол қойылды, ал осы аптада қытайлық әріптестер Қазақстанға кері байланыс жасау мақсатында іс-сапармен келіп отыр. Астанадағы ауылшаруашылығы қызметкерлерінің екінші форумында Қасым-Жомарт Тоқаев, агроөнеркәсіптік кешенді одан әрі дамыту қажеттілігін атап өтіп, саланың тиімділігін арттыруға және елдің азық-түлік қауіпсіздігін нығайтуға бағытталған бірқатар мақсаттарды белгіледі. Осыған байланысты, Солтүстік өңірдің ғылыми қауымдастығы мен фермерлерінің алдында инвестициялар тарту және агроөнеркәсіптік кешеннің тиімділігін арттыру міндеті тұр. Қазақстан-Қытай ғылыми ауыл шаруашылығы орталығын іске қосу арқылы дәнді, майлы дақылдарды, бұршақ тұқымдастарды және жемшөптерді іріктеу бойынша зерттеулер мен демонстрациялық жобаларды жүзеге асыруға мүмкіндік береді. Негізгі мақсат - ауыл шаруашылығын климаттық өзгерістерге бейімдеу, дақылдар мен топырақ құнарлылығын бақылауда цифрландыруды енгізу, процестерді цифрландыру, өнімділікті болжау үшін ЖИ мен ҰҰА пайдалану және тұрақты жемшөп өндіру мен ауыл шаруашылығы өнімдерін өңдеуді қамтамасыз ету. Қазірдің өзінде бұл мақсатқа СҚО әкімдігі 30 га тәжірибелік жер бөлді. Ғалымдар Қозыбаев университетінің зертханалық кешенінде жұмыс жасай алады, ал жобаға университеттің оқытушылары мен студенттері тартылды. Хэнань ауылшаруашылық инвестициялық тобы жобаға өз инвестицияларымен (шамамен 5 млн. доллар), жабдықтарымен, зерттеулерімен және сараптамалық әлеуетімен кіреді. Сондай-ақ, тұқым материалы ұсынылып, заманауи жатақханалар салынып, зертханалар ашылады. Сапар барысында қонақтар жергілікті билік өкілдерімен және ауыл шаруашылығы өндірушілерімен кездесті, университеттің зертханалық жабдықтарымен танысты және өңірдің аграрлық кәсіпорындарын аралады. «Біз Қазақстанның және университетіміздің білім, ғылым және ауыл шаруашылығы технологиялары саласындағы стратегиялық серіктестерінің өкілдерін қарсы алуға қуаныштымыз. Жоба тәжірибелік алаңдарды, зертханаларды, заманауи инфрақұрылымды құруды және ЖОО ғалымдары мен студенттерін тартуды көздейді. Бұл тұрақты, экспортқа бағытталған ауыл шаруашылығы платформасын қалыптастыруға және тұқым өндірісінің егістік алқаптарын 1000 гектарға дейін кеңейтуге мүмкіндік береді деп үміттенеміз. Ынтымақтастықты ұзақ мерзімді стратегиялық серіктестік ретінде қарастырамыз. Елдеріміздің бірлескен әлеуеті аймақтың агроөнеркәсіптік кешеніне нақты пайда әкелетініне және Қазақстан-Қытай ынтымақтастығын нығайтатынына сенімдіміз», - деп атап өтті Қозыбаев университетінің Басқарма Төрағасы-Ректоры Ербол Исақаев.

Қозыбаев университетінің командасы Назарбаев университетінің базасында өткен «Жоғары білім сапасын қамтамасыз ету: қазіргі жағдайы және даму перспективалары» форумына қатысты. Біздің университетімізді Академиялық мәселелер жөніндегі Басқарма мүшесі Айгуль Нурпеисова, Интернационалдандыру және халықаралық бағдарламалар жөніндегі Басқарма мүшесі Мансур Алимханов және Стратегия және даму департаментінің директоры Марина Погребицкая таныстырды. Іс-шара жоғары және жоғары оқу орнынан кейінгі білім беру сапасын қамтамасыз етудің негізгі сын-қатерлері мен жаңа тәсілдерін талқылауға арналған ауқымды кәсіби алаңға айналды. ҚР Ғылым және жоғары білім министрі Саясат Нұрбектің қатысуымен өткен пленарлық отырыста жасанды интеллект туралы жаңа Заң қабылдау және жоғары білім беру мен ғылым жүйесіне енгізілген өзгерістер талқыланды. Форумның негізгі бағыттары: -Халықаралық аккредиттеу және білім беру қызметтерін экспорттау ASIIN, QAA және НААР воркшоптары шеңберінде халықаралық аккредиттеуге дайындық кезіндегі жиі кездесетін қателіктер, озық тәжірибелер және білім беру сапасын жақсартудағы сыртқы мүдделі тараптардың рөлі қарастырылды. -Мемлекеттік реттеу және академиялық сапа Қатысушылар жоғары және жоғары оқу орнынан кейінгі білім беруді реттеу жүйесін жетілдіруге, сондай-ақ ішкі және сыртқы сапаны қамтамасыз етудің заманауи тетіктеріне қатысты мәселелерді талқылады. -Ғылыми және зерттеу қызметін бағалау Ғылыми зерттеулердің нәтижелерін бағалаудың жаңа тәсілдеріне, оның ішінде PhD докторантурада және зерттеу жүргізу кезінде Академиялық адалдық пен жауапкершілік мәселелеріне ерекше назар аударылды. -Сапаны үздіксіз жақсарту QAA Халықаралық сарапшылары университеттердің тұрақты дамуына бағытталған ресми бағалаудан жүйелік жақсартуларға көшудің маңыздылығын атап өтті. -Цифрландыру және жасанды интеллект Форум- жоғары білім сапасының  халықаралық стандарттарға, жауапкершілікке, цифрлық шешімдерге және барлық мүдделі тараптар арасындағы серіктестікке негізделген үздіксіз жүйе екенін растады.

Біздің студент Ербол Хамитов Германияда өткен Әлем кубогы кезеңдерінде жоғары деңгейде өнер көрсетті . Ол LW 12 санаты бойынша 7,5 шақырымдық қашықтықта қола медаль және 0,9 шақырымдық спринтте күміс жүлде жеңіп алды. Спортшымыздың нәтижелері XIV Қысқы Паралимпиада ойындарына дайындықтың маңызды бөлігі болып табылады. Енді Ерболды Польшада өтетін Әлем кубогының тағы екі кезеңі күтіп тұр. Сәттілік тілейміз! Біз сені қолдаймыз!

Солтүстік Қазақстан университетінің ПОҚ және Қабылдау және рекрутинг кеңсесінің өкілдері еліміздің оңтүстік өңірлерінде, атап айтқанда Түркістан облысы, Шымкент және Қызылорда қалаларында кәсіптік бағдар беру жұмыстарын жүргізеді. Оңтүстік өңірлерден келетін талапкерлер үшін де қолдау шаралары туралы ақпарат берілді. Университет тарапынан шет аймақтардан  қабылданатын студенттерге оқу мерзімінің толық кезеңіне заманауи студенттер үйінен орын беру қарастырылады. Сонымен қатар оқу кампусы жаңа оқу-зертханалық корпуспен, ондағы заманауи коворкинг орталықтарымен, жалпы сапалы білім алуға қажетті барлық жабдықтармен қамтылған. Талапкерлер мен олардың ата-аналарына Петропавл қаласына жету, орналасу және бейімделу мәселелері бойынша жан-жақты кеңес айтылды. Кездесу барысында талапкерлерге басты назарда оқу ордамыздың Аризона университетімен іске асырылып жатқан қос дипломды және бірлескен білім беру бағдарламалары таныстырылды. Кәсіптік бағдар беру тобы атап өткендей, жоғары оқу орны студенттерді халықаралық ғылыми-зерттеу жобаларына, гранттық бағдарламаларға және өндірістік тәжірибелерге белсенді түрде тартып, өңірдегі ірі өндірістік кәсіпорындармен тығыз ынтымақтастықтың нәтижесінде университет түлектерінің жұмысқа орналасу көрсеткішін жоғары деңгейде сақтайды. Аталған кәсіптік бағдар беру Қазақстанның оңтүстік өңірлеріндегі жастарға сапалы білім мен халықаралық деңгейдегі кәсіби мүмкіндіктерге жол ашуға бағытталған маңызды қадам болып табылады.

Университетте «Заң мен Тәртіп» тұжырымдамасы аясында өткен  спартакиада өз мәресіне жетті. Екі күн бойы Шағын футболдан өткен жарысқа бес команда қатысты. Тартысты ойындардан кейін мықты ойыншылар анықталды:1орын – ӘБП2орын – АФ3орын – ӘК Жекелей марапаттар табысталды: Рустем Каримов «Үздік шабуылшы», ал Өмірзақ Нурпейіс «Үздік ойыншы» атанды. ДартсКомандалық жарыста:1орын – ПФ (Иван Буняшин, Ольга Исаева)2орын – ИСТФ3орын – ӘБП Арқан тарту:1орын – ПФ2орын – АФ3орын – ӘК Сайыстың қорытындысы бойынша жеңімпаздар мен жүлдегерлер анықталып, лайықты марапаттарын алды. Жабылу салтанатында олар ғылым және жоғары білім қызметкерлерінің Қазақстандық салалық кәсіподағының Солтүстік Қазақстан облыстық ұйымынан ақшалай сыйлықтар алды.5ші орын – ТжӘИ4ші орын – ӘК3ші орын – ӘБП2ші орын – АФАл Педагогикалық факультет спартакиаданың жеңімпазы атанды! Спартакиада – спорттық ойындарды насихаттаудың жарқын үлгісі. Бұл жолы қатысушылардың ынта-жігері, спортқа деген құштарлығы ерекше байқалды. Аталған спартакиада қызметкерлер мен оқытушылар арасында достықты, бірлікті нығайтып, салауатты өмір салтын дәріптеуде үлкен үлес қосты. Құттықтаймыз!

Қозыбаев университетінің сыбайлас жемқорлыққа қарсы комплаенс-қызметінің жетекшісі Инна Джемалединова академиялық адалдық тақырыбына арналған семинарда спикер ретінде сөз сөйледі. Оқу іс-шарасын ҚР Академиялық адалдық Лигасы ұйымдастырып, Есіл университетінде өтті. Алғашқы күні тыңдаушылар осы саладағы Академиялық адалдық лигасының мониторинг принциптерін, академиялық құқық бұзушылықтардың алдын алу  және т.б. талқылады. Семинардың екінші күні  қатысушылар Академиялық адалдық мәдениетін қалыптастырудағы әкімшілік персоналдың рөлін талқылады. Қатысушылар  академиялық адалдықты ілгерілету үшін коммуникациялық жоспар әзірледі, ар-намыс кодексін талдады, академиялық адалдықты 3 жылға бағалау жоспарын құрды. Шара қорытындысы бойынша ҚР ҒЖБМ жоғары және жоғары оқу орнынан кейінгі білім комитеті төрағасының орынбасары Ақерке Абылайхан барлық қатысушыларға сертификаттар табыстады. Семинар жоғары білім беру жүйесінде адалдық мәдениетін қалыптастыру бойынша кәсіби диалог пен практикалық құралдармен алмасу үшін маңызды алаңға айналды. Фотосуреттерді Esil University баспасөз қызметі ұсынды

Қозыбаев университетінің студенттері Астанада жеңіл атлетикадан Қысқы XXXV Қазақстан чемпионатында төрт медаль жеңіп алды. Сайысқа еліміздің 18 аймағынан келген спортшылар  қатысты. Олар жүгіру, секіру,  көпсайыс және ерлер мен әйелдер арасында эстафеталық жарыстар бойынша бақ сынасты. Чемпионат бағдарламасына 26 жекелей  және бес эстафета кіреді. Студенттерімізді тәлімгер, дене шынықтыру және спорт кафедрасының аға оқытушысы Александр Наумов дайындады! Магистрант Никита Изотов 800 метрге жүгіруде 1.52.45 сек уақытпен ҚР чемпионы атанды. Ал Кирилл Субботин үшінші орынға жайғасты. Бірінші курс студенті Антонина Чернышова 60 метрге кедергілермен жүгіруде екінші орын алды. Арсен Умержанов үш қарғып секіруде күміс медаль жеңді (15.31 см). Барлық спортшылар Педагогикалық факультетте оқиды. Жарыс нәтижелері бойынша Азия чемпионаты мен халықаралық жарыстарға қатысу үшін ұлттық құрама құрылады. Спортшыларды жеңістерімен құттықтаймыз!

ҚХА кафедрасының ұйымдастыруымен «Наурыз – жаңаша» workshop шарасы өтті. Оған университет оқытушылары мен қызметкерлері, Петропавл қаласының мәдени және білім беру мекемелерінің, СҚО Қазақстан халқы Ассамблеясының құрылымдық бөлімшелерінің өкілдері қатысты. Петропавл қаласындағы ЖМБ НЗМ тарих пәні мұғалімі Дильбар Бегалина және ҚХА кафедрасының меңгерушісі Людмила Гривенная «Наурыз мейрамы» оқу құралын ұсынды. Қатысушылар әртүрлі елдердегі Наурыз мерекесінің тарихы мен ерекшеліктерін, бата және шашу дәстүрлерін талқылап, мейрамды ұйымдастыру және мерекелеу тәжірибелерімен бөлісті. Сондай-ақ, «Наурыз онжылдығы» атты интерактивті жоба презентациясы өткізілді. Барлық қатысушыларға сертификаттар табысталды.