Қозыбаев университеті өңірдің ғылыми-техникалық дамуына зор үлес қосып келеді! Біздің университет Қазақстан Республикасы Ғылым және жоғары білім министрлігінің 2025-2027 жылдарға арналған байқауының қорытындысы бойынша жалпы сомасы 3 млрд 270 млн теңгеге гранттық қаржыландыру алды.
Жеңімпаздар қатарына университетіміздің 4 жобасы енді: «Халықтың денсаулығын қамтамасыз ету үшін Солтүстік Қазақстан облысының су ресурстарын мониторингілеу, тазарту және ұтымды пайдалану үшін жоғары технологиялық шешімдерді әзірлеу және енгізу» бағдарламалық-нысаналы қаржыландырудың ірі жобасы. ⠀
Гранттық қаржыландыру жобалары:
1. «Техникалық бұйымдардың кең спектрін дайындау үшін қайталама полиэтилен негізінде ротациялық композиттерді қайта өңдеу технологиясын әзірлеу»
2. «Солтүстік Қазақстан қоғамындағы бай рөлін, олардың экономикалық әлеуетін және шаруашылықтарды тәркілеу процестерін зерттеу»
3. «Қазақстанның шекаралас өңірлерінің азық-түлік қауіпсіздігі саласындағы мемлекеттік саясатын жетілдіру: міндеттер мен шешу жолдары»
Біз ғалымдарымыздың ғылым мен аймақ болашағына қосқан үлестерін мақтан тұтамыз! Гранттық қаржыландыру жеңімпаздарының қатарында талантты зерттеушілер бар:
-Берилло Дмитрий Александрович
-Тюканько Виталий Юрьевич
-Темирханова Асемгуль Сериковна
-Әлібай Ерлан Ақылжанұлы
Ғалымдарымызды гранттық қаржыландырудың республикалық байқауындағы лайықты жеңісімен шын жүректен құттықтаймыз! Жоспарлаған жобаларды табысты жүзеге асыра беріңіздер. Қозыбаев университеті өңірдегі нақты мәселелерге бағытталған ғылыми орталық ретінде, өз ұстанымын нығайтуды жалғастырады. Жаңа жетістіктер тілейміз!