«QYZYLJAR» студенттерге қызмет көрсету орталығы

Мемлекет басшысының "Қазақстанның Үшінші жаңғыруы: жаһандық бәсекеге қабілеттілік" Жолдауында көрсетілген міндеттерді іске асыру мақсатында, сондай-ақ "Цифрлық Қазақстан" мемлекеттік бағдарламасын іске асыру шеңберінде, ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің облыстық Департаментінің көмегімен, М. Қозыбаев атындағы Солтүстік Қазақстан мемлекеттік университетінде 2018 жылдың 4 қыркүйегінде "QYZYLJAR" студенттерге қызмет көрсету орталығының салтанатты ашылуы өтті. 

СҚКО жұмысының мақсаты қызмет көрсету стандарттары негізінде "жалғыз терезе" қағидаты бойынша оқу-білім беру процесінің жедел және сапалы қызмет көрсетуі болып табылады.

Қойылған мақсатқа жету үшін СҚКО келесі міндеттерді шешуі қажет:

  1. Сервистік қызметтерді оңтайландыру.
  2. Мемлекеттік қызметтерді және СҚКО-ның қызметтерін ұсынумен байланысты процестерді басқару, сыбайлас жемқорлық істері мен құқық бұзушылықтардың көріністерін жою үшін жағдай жасау.

 «QYZYLJAR» студенттерге қызмет көрсету орталығы студенттік қауымдастықпен жан-жақты қарым-қатынасты барынша жақсартуға және студенттер уақытын үнемдеуге бағытталған.

СҚКО қызметінің негізгі қағидаттары:

  • студентке бағдарлану
  • қызметтерді стандарттау
  • мәселелерді шешудегі объективтілік
  • алынған ақпараттың құпиялылығы

Бір уақытта студенттерге бірнеше терезелер қызмет көрсете алады. Қызмет көрсету электрондық кезек тәртібімен жүзеге асырылады. Бір студентке қызмет көрсету уақыты қызмет көрсету стандартына сәйкес қатаң регламенттелген. Қажетті қызметті алу үшін электрондық кезек талонын алу және күту залына өту, содан кейін экранда жарияланатын және жазылған терезеге өту қажет. 

"QYZYLJAR" студенттерге қызмет көрсету орталығында ақпараттық-консультациялық көмек көрсету қызметтері қолжетімді болады. Ол үшін "Reception"жұмыс істейді. Мұнда дайын анықтамалар мен транскриптерді беру жүзеге асырылады. 

СҚКО-да қызметті әдіскерлердің көмегіне жүгінбей-ақ өз бетінше алуға болады. Ол үшін өзіне-өзі қызмет көрсету бұрышы жұмыс істейді. Анықтама немесе транскрипт алу үшін жеке деректерді көрсетіп, өтінімді қалдыру қажет. 

Орталықтың дамуымен көрсетілетін қызметтер тізбесі 40-тан астам түрлі қызмет түрлеріне дейін кеңейтілетін болады.

«QYZYLJAR» студенттерге қызмет көрсету орталығының ашылуы университет өміріндегі маңызды оқиға болып табылады. Бұл ХҚКО-ның аналогы. Білім алушылар үзіліс кезінде орталыққа келіп, барлық қажетті құжаттар мен анықтамаларды ала алады. Оны құру білім алушыларға ұсынылатын қызмет көрсетудің мәдениеті мен сапасын арттыруға ықпал етеді.

"QYZYLJAR" студенттерге қызмет көрсету орталығы білім алушылардың әлеуметтік маңызы бар қызметтерді алуға жұмсайтын уақытын азайтуға,  қызмет сапасын түбегейлі жаңа деңгейге көтеруге , студенттердің мәселелерін тиімді және жедел шешуге, "университет – студент" өзара іс-қимыл жүйесіндегі бюрократиялық тосқауылдар мен сыбайлас жемқорлық қатерлерін жоюға бағытталған.

 

Телефон: +7(7152) 49-32-52
Мекен-жайыс: №2 оқу корпусы, 1-қабат.
Электрондық мекен-жайы: or_skgu@mail.ru